Jeo's blog

Esperantlingvaj kanzonoj multe alportis al mi kiam mi eklernis Esperanton. Estas bona kaj agrabla metodo por plibonigi la lernadon.

"Tra l'mondo" estis la unua kasedo en E°, kiun mi aŭskultis. Tiu kasedo, produktita de *Olivier TZAUT en 1977, enhavas popolajn kanzonojn de diversaj landoj (plejparte el tradukoj de Claude Piron).

Mi atente kaj ofte aŭskultis ĉiun kanzonon, penante por kompreni la parolojn. Iom post iom, dank'al la bela parolmaniero de Olivier Tzaut, la vortoj iĝis frazoj, kaj mi sukcesis kompreni la tekstojn.

Kiel omaĝo al li, mi kuŝis kelkajn kanzonojn en mia Ipernity-paĝo: vidu la albumon "Tra l'mondo".

*Olivier TZAUT : elementa instruisto en Svislando, kaj unu el la 3 fondintoj de Kultura Centro Esperantista en La Chaux-de-Fonds.

Claude Piron malaperis: Gerda ploras! (1)
Klaŭdjo mortis? Vere aŭ fantazie? (2)
Ĉu li nun vojaĝas trakosme? (3)
Sendube, kiel la meteoro. (4)
Tamen, vojaĝante, li ĉiam rakontas novelojn. (5)
Sed, lasu min paroli plu : (6)
Por tiu lasta vojaĝo, li certe surŝultrigis la dorsosakon de Panjo Rut'. (7)
Kien? Tien. (8)
Kio mortigis lin? Eble, kisa malsano. (9)
Tiaj ni estas. (10)
Dank'al la belaj verkoj de Claude, por ni vivi estas miri! (11)
Dankon! Dankon, amiko! (12)

(1) Gerda malaperis! (didaktika romano)
(2) Vere aŭ fantazie? (rakontaro, 1989)
(3) Ĉu li venis trakosme? (krimromano, 1980)
(4) La meteoro. (novelo en "Tiaj ni estas" vol.3 , 2002)
(5) Ĉu rakonti novele? ( krimnoveloj, 1986)
(6) Lasu min paroli plu. (instrua romaneto, 1984)
(7) La Dorsosako de Panjo Rut'. (novelo, 1995)
(8) Tien. (sciencfikcia romano, 1997)
(9) La kisa malsano (instrua romaneto en "Tiaj ni estas" vol.2, 2002)
(10) Tiaj ni estas. (noveloj, 2002-2003)
(11) Vivi estas miri. (legolibro, 1995)
(12) Dankon, amiko! (facila rakonto, 1990)

Dank'al "Klaku.net" (bonega retejo, ĉu ne?), mi freŝe malkovris tiun altkvalitan TTT-ejon:

"KantarVikio: Ĉio pri esperanta muziko!"

Ĝi estas bela vikia paĝo pri ĉio rilate al esperanta muziko, kaj bela trezoro por ĉiuj muzikemuloj.

Ekzemple: legi la parolojn de multe da kanzonoj, trovi la akordojn por gitara akompano, malkovri e-kantistojn aŭ grupojn... Tre bona ilo, dankon.

Por viziti ĝin: http://www.ikso.net/kantaro/

Mi freŝe tajpis mesaĝon en mia E-blogo por diskonigi "Ipernity"... supozante ke kelkaj el miaj karaj -sed maloftaj- legantoj ne ankoraŭ konas ĝin!
Hodiaŭ, mi faras en Ipernity reklamon por mia E-blogo. Sed... kial blogi????.

Januare, mi verkis tiun poemon, kiun mi titolas "kial blogi?"

Mi kolektas la retadresojn de la esperantlingvaj blogoj, kiujn mi trovas en la interreto., kaj regule mi vizitas ilin. Estas bonaj lokoj por malkovri trezoretojn. La Vikipedio donas tiun liston ; kelkaj el ili aperas ankaŭ en e-Planedo. Se vi mem havas E-blogon, bonvolu sendi al mi sian adreson.

Kiam mi legis la faman tekston de Louis Beaucaire "La milito de la ĉapeloj", mi tuj imagis desegnaĵojn por ilustri tiun fabelon.

Mi do elektis kelkajn vortojn, kaj anstataŭigis iliajn supersignojn per apartajn ĉapeletojn.

Vi trovos tiujn desegnaĵojn en mia albumo "ĉapeloj".

N.B. La plejparte de tiuj desegnaĵoj jam kuŝas en mia E-blogo "Unueco donas forton" , sed mi pensas ke Ipernity iĝas bonega ilo por disvastigi Esperanton.