Bilanco post unu jaro kaj duono da funkciado

Ne temos ĉi tie pri bilanco de mia persona paĝo sed pri la Iper Rondo de SAT kiun mi kunadministras..

Kutime estas vidi ĉu duon plenan botelon ĉu duon malplenan.. laŭ la juĝ-kriterioj..

64 personoj aliĝis en la grupo.. Kelkaj estas statute SAT-anoj, aliaj ne.. Mi ne volas fari diferencon inter tiuj du kategorioj.

Por postulema leganto, la diskutejo de la rondo estas, mi diru, ne egala.. Interesaj intervenoj najbaras stultaĵojn. Se kompari kun aliaj diskutejoj [mi ofte legas la retan eldonon de la franca ĵurnalo « Le Monde »] nenio surprizinda..sama kvalito..

Evidente nur malplimulto partoprenas la diskutojn.. Ni memoru ke la leĝo de Pareto [80% de la efikoj estas kaŭzitaj de 20% de la kaŭzoj] aplikiĝas ĉi tie, kiel en ĉiuj aliaj homaj agadoj.. Tamen kelkaj diskutoj jam transiris la limon de 1000 vizitoj.

Okul-frapa estas la diverseco de la diskut-temoj.

Pri la fotoj, ilia diverseco montras asocion kiu vivas, almenaŭ se temas pri la franca branĉo [SAT Amikaro].. sed malmultal estas la bildoj de nia agado en Japanio aŭ en Koreio.

Kuraĝigaj estas la fotoj de kovertoj de libroj eldonitaj de la tutnova eldon kooperativo.

Se ni vizitas la personajn paĝojn de la membroj, venas impreso de riĉeco, diverseco de la talentoj.. Danke al la evoluo de la programo far la Ipernity teamo, oni povas konstante aliri la lastajn novaĵojn inter la tekstoj kaj fotoj de niaj kamaradoj kaj amikoj..

Entute, vivanta familio, riĉa de ĝia diverseco..

Mi provis ligi tiun familion per la letero de la animanto: la ligilo, kiu estas publikita jam sep foje..

La rondo entenas kelkaj el la plej famkonataj SAT-aboj.. Do ne surprizinde ke oni trovu iliajn subskribojn en la dumonata gazeto de SAT, Sennaciulo..

Ne apartenas al mi juĝi ĉu sukcesas nia iniciato.. Juĝu vi mem.. Vizito ne necesas ke vi apartenu al la grupo.. Vi tamen ne povas partopreni la diskutojn se vi ne aliĝas.