Cindy Mckee's blog/

Mi ne Esperantigis OpenOffice; teamo de aliaj faris tion, sed oni demandis al mi kiel akiri la Esperantigon.
Se vi uzas Linukson kaj volas la Esperantigon de OpenOffice, la debiana deponejo havas .deb-pakaĵon
openoffice.org-l10n-eo
Vi povas elŝuti ĝin ĉe: http://packages.debian.org/experimental/all/openoffice.org-l10n-eo/download

Kiel sistemadministranto, uzu la komandon dpkg -i /vojo/al/dosiero

Por tiuj, kiuj uzas la RPM-pakaĵan administrilon, la .rpm-pakaĵo: openoffice.org-l10n-eo-3.0.1-2.noarch.rpm

dekstre alklaku tiun ligilon kaj elektu 'konservi kiel'.
La komando por instali:

rpm -ivh /vojo/al/dosiero

He! Mi aliĝis al la redaktoteamo de Sennaciulo lastatempe. Kia profunda revuo! Espereble, mi estos bona (mezbona) provleganto; mi scias ke mi ĝuas la laboron pli multe ol mi antaŭvidis. La artikoloj estas interesegaj; verdire, ili pliriĉigas kaj mian Esperanton kaj mian konon de la mondo. Dum mi tralegas, la verkantoj mirigas min pro la kompreno de politikaj, kaj ofte tiklaj, temoj.

Ĉiu numero havas 'dosieron'; aparte traktata temo. La nuna estas "ekstremdekstro en Eŭropo", kaj la limdato por verkoj estas fiksita je la 28a de februaro. Tre proksime! Se vi volas sendi ion:

sennaciulo @ telenet.be

dkessous @ yahoo.fr (sen spacetoj)

La aliĝo estis neatendita; kaj sendube la konstantajn donacojn al mia eta menso mi neniam atendis. Foje, la vivo ravas min.

Sennaciulo: la oficiala organo de SAT

Kio estas SAT?