Cindy Mckee's blog/

Joop ĵus tradukis torentan dosieron por ipernity. Jes, ipernity nun estas servilo por torentoj!
Per tiu protokolo, oni povas kunhavigi tre grandajn dosierojn. Post oni elŝutas la dosieron, oni ĝentile alŝutas al aliaj. Ju pli da personoj partoprenas en la sendado (ili estas la semantoj) de dosiero, des pli rapida estas la elŝutado por la ricevantoj (la rikoltantoj). Nu, mia programo (jes, oni bezonas torentan programon en la loka komputilo), alŝutas samtempe -- do, mi semas kaj rikoltas la dosieron samtempe.

ktorrent

Dum mi strebas kalkuli miajn benojn, mi devas meti miajn amikojn ĉe la supro de la listo. Dankon, karaj, vi ĉiuj estas trezoroj en mia vivo.
Brakumojn.

La nekredebla Zhang Xuesong nun kreas librejon en ipernity:

E-librejo: www.ipernity.com/doc/deodaro/album/81041
Fabelaro: www.ipernity.com/doc/deodaro/album/84486

Projekto 10¹⁰⁰

estas projekto de Google kiu pikas intereson ĉar iu ajn povas proponi projekton por helpi aliajn. Jes, simple helpi aliajn. Mi listigus la kategoriojn, sed la lasta kategorio estas 'Ĉio cetera'. :)
Estas voko por helpi ŝanĝi la mondon, kaj ili promesas $10 milionojn da usonaj dolaroj. (Jes, Google volas krei senton de bonvolo; estas saĝa plano de 'publika rilato')

La mono estas reala, la ofero estas valida, la limdato por proponi ideojn estas la 20a oktobro. Vi ankoraŭ havas tempon.

Parta traduko de la klariga paĝo:

Neniam antaŭe en historio, tiom multe da personoj havas tiom multe da informoj, tiom multe da iloj je sia dispono, tiom multe da rimedoj por efektivigi bonajn ideojn. Tamen, samtempe, tiom multe da personoj, de ĉiu vivmaniero, povas uzi tiom da helpo, de granda, grava helpo ĝis la plej simpla tipo de helpo.

Meze de ĉi tio, novaj studoj revalidigas la simplan saĝecon ke preter baza nivelo de materia riĉeco, la sola afero kiu pliigas daŭran personan feliĉecon estas helpi aliajn. ||

Mi bezonas noti ke personoj kiuj ne havas propran ideon por projekto rajtas voĉdoni por meritindaj projektoj de aliaj.