Cindy Mckee's blog/

Ie, io nekredebla atendas malkovron. --Carl Sagan

Borodin - Nokturno el korda kvarteto nro. 2

www.mp3.com.au/Track.asp?id=13213

Bela helpo por la semajnomezo.

Microsoft strukturoj por arkivado

La granda timo de registaroj kaj aliaj aparatoj estas ke uzo de proprieta strukturo por arkivado de dokumentoj kompromitus la legadon de tiuj dokumentoj post jardekoj. Tiel estas, la firmao kiu posedas la proprietan strukturon (legu: Microsoft) povus ĉesigi subtenon por malnovaj versioj. Ĉar la specifo estas fermita, neniu povas ĝin legi, sekve neniu povas enkonduki subtenon por tiu strukturo en aktuala legilo. Kia problemo por la historiaj arkivoj, se oni ne flankenmetas tiuepokan komputilon kiu enhavas kongruan legilon.

En la 15a de februaro, tio ŝanĝiĝis. Microsoft publikigis la specifojn de Word, PowerPoint, Excel, kaj Drawing, sub la Microsoft Open Specification Promise. Tiuj specifoj estas por la duumaj strukturoj kiujn Microsoft uzis antaŭ la eldono de Microsoft Office 2007. Specimeno el la TEXT-sekcio de la Microsoft Word specifo:

The text of the file starts at fib.fcMin and is usually set to the next 128 byte boundary after the end of the FIB. The text in a Word document is ASCII text with the following restrictions (ASCII codes given in decimal): · Paragraph ends are stored as ASCII 13 (a single character). No other occurrences of this character sequence are allowed. · Hard line breaks which are not paragraph ends are stored as ASCII 11. Other line break or word wrap information is not stored. Hyphens · Breaking hyphens are stored as ASCII 45 (normal hyphen code). · Non-required hyphens are ASCII 31. · Non-breaking hyphens are stored as ASCII 30. · Non-breaking spaces are stored as 160. · Normal spaces are ASCII 32. ·Page breaks and Section marks are ASCII 12 (normal form feed); if there's an entry in...

Tio estas eta parto el 210 paĝa specifo (unu specifo).

Open Document Format (Libera dokumenta strukturo)

La Open Document Format estas libera, malfermita XML-bazita normo por la strukturo de dosieroj. OpenOffice.org kaj KOffice ambaŭ uzas tiun tipon defaŭlte. Oni distrumpetis ĝin kiel la savant(il)on de la arkivejoj; kaj kelkaj registaroj jam decidis adopti la Open Document tipon. Eble vi renkontis la dosieran finaĵon .odt (Open Document-teksto), ĉe la fino de tekstaj dokumentoj. La populareco instigis la plejmulton de provizantoj de enretaj oficaj aplikaĵoj inkluzivi subtenon por Open Document; ekz. Google Docs oferas subtenon.

Office Open XML

Jen, la alveno de Microsoft Office 2007. La nova aplikaĵaro uzas Office Open XML, kiu estas supozeble libera, supozeble malfermita normo por dosieraj strukturoj. La origino de ĉi tiu normo estis en la ĉambroj de Microsoft, tamen Microsoft transdonis la normon al Ecma, kiu estas internacia organizaĵo por la disvolviĝo de normoj. Se vi vidas la finaĵon .docx en nomo de tekstdokumento, oni produktis tiun dokumenton per Office 2007, laŭ la XML-strukturo.

Ĉu du mortbatoj kontraŭ Open Document Format?

Ĉu Microsoft liveris du mortbatojn al Open Document Format, pere de malfermiĝo de la malnovaj duumaj specifoj, kombinita kun la uzo de libera dosiera strukturo en la nova Office 2007, firmigante la daŭran uzon de Microsoft varoj fare de pacigaj klientoj?

Hu -- kia longa frazo! Mi jam ne volas tajpi. Nu, la duumaj specifoj estas tre malsimplaj kaj longaj; mi legas ke la reuzo de la kodo estas giganta klopodo. Eĉ se oni sukcesas, oni ankoraŭ devas plenkredi je la Microsoft Open Specification Promise (Microsoft-promeso). Kaj la akcepto de la Office Open XML postulas fidon al la privata organizaĵo Ecma. (Mi ne havas opinion pri Ecma; ĉu bone, ĉu malbone)

Eble, la vasta akcepto kaj uzo de Open Document Format falas en danĝero; eble ne. Tio estas nepra rezulto de konkurado. Alia rezulto, pli feliĉa, estas la malfermiĝo de la monopolo Microsoft. La efektiva konkurado de libera programaro kaŭzis realajn ŝanĝojn en la konduto de la titano.

Ipernity aldonis novajn eblojn! Ĉu vi memoras la interrompitan servon, kiu estis funkcitena tempo, dum la 17a?
1. Nun ni povas aldoni moviĝantajn bildojn (.gif)

lp

(Malfeliĉe, nur la originala formato montras la apartajn tavolojn; do oni devas iri al la bildo kaj rigardi la 'originalan')
2. Baldaŭ ni povas aldoni filigranon en niajn fotojn.
3. Tuj kiam ili aldonas legilon por HD (tredistingiva enhavo), ni povas alŝuti HD-filmetojn.
4. Post nelonge ni povas difini muzik/videajn kovrilojn.
5. Pliakriga algoritmo: fotaj miniaturoj (bildetoj) aspektos pli bele.
6. Nun ni povas havi ligilojn al dokumentoj, eĉ en foraj retejoj (la adresoj jam ne ŝanĝiĝos)

Zoho estas enreta aplikaĵaro; tiel estas, oni ne elŝutas la programojn al loka komputilo. Oni iras al zoho.com kaj uzas la aplikaĵojn rekte en la retlegilo. Granda avantaĝo de tiu metodo estas ke pluraj personoj povas kunlabori pri la samaj dokumentoj, uzante la samajn aplikaĵojn, eĉ se ili loĝas en malsamaj partoj de la mondo. Dokumentoj estas havigeblaj al aliaj, aŭ por rigardo, aŭ por redaktado. Kiam ajn dokumento estas modifita, aparta versio estas konservita aŭtomate. Se kunlaboranto fuŝas la dokumenton, ĝi povas esti revenita al antaŭa versio.
Alia avantaĝo de enreta aplikaĵaro estas ke la dokumentoj kaj asociitaj redaktiloj estas alireblaj de iu ajn loko kiu havas uzeblan komputilon kaj interretservon.

La aplikaĵoj estas tekstredaktilo, tabelkalkulilo, prezentilo, kajero (notlibro), vikio, taskplanilo, ktp, ktp!
Kaj por malgrandaj firmaoj, ekzistas klientorilata administrado (senpaga por 3 uzantoj), fakturoj, datumbazon, ktp, ktp!
Plejparte, ĉi tiuj aplikaĵoj estas senpagaj!

Mia Zoho-sperto estas ege bonega! (hura, mi trovis afablan enretan aplikaĵaron)
Zoho Writer funkcias tre bone en Firefox, ne tiel bone en Opera, malfeliĉe.
La aplikaĵo ŝargas rapide por mi, la uzo estas glata kaj senproblema, kaj mi vidas la kutimajn butonojn. Eksporto funkcias bone ankaŭ. La elektoj de dokumentotipoj estas Word, Doĉ, ODT, PDF, LaTeX, SxW, Riĉa teksto, Plata teksto, kaj HTML. Kiam mi eksportas kaj malfermas en PDF, mi rimarkas ke la retligiloj jam ne funkcias, sed la stilo de la dokumento aspektas bele.
Ĉu mi menciis ke Zoho Writer estas senpaga? :)

La tabelkalkulilo funkcias tiel pli bone ol la tabelkalkulilo en Google Docs, ke la Google teknikistoj devus ruĝiĝi pro honto.
Kaj mi kreis pivototabelon simple per elekto de kampoj, alklako sur la Pivot-butono 'Create Pivot Table', kaj sekvado de malmultaj paŝoj.
Malaĉe. malaĉeeeee

Nun -- pri la granda zorgo: ĉu vi volas ke viaj dokumentoj restu ĉe fora servilo?! Zoho havas tre bonan privatecan politikon; se vi volas viŝi persone identigajn informojn, vi rajtas. Vi rajtas forviŝi vin de la sistemo -- kvankam, Zoho uzas plurajn komputilojn por konservi sekurkopiojn; ne estas garantio ke ĉiuj viaj dokumentoj estas forigitaj.
Kio pri la sekureco? Mi legas ke la konstruaĵoj kie loĝas la serviloj havas kugloimunan vitron en la fenestroj!

Hmm! Sufiĉas por mi.

--Mi devus mencii -- mencieti -- www.thinkfree.com, alia enreta aplikaĵaro. Se vi provas tion, mi suspektas ke vi formos la saman opinion, ke la Ĝava bazita tekstredaktilo estas tro malrapida.

Mi haste skribis, se vi trovas eraron, bonvolu avizi min! Ankaŭ, se vi havas opinion pri la enretaj aplikaĵaroj, bonvolu lasi komenton. La temo interesas min! (la ideo pri traduki Zoho eĉ venis en la kapon)