Nia unua diboĉa registroprovo

Gratulegon!

Simpla, bela kaj kvalitege registrita. Mi nur pretas kritiketi ke la ĉef-voĉo estu iom pli laŭta.

Mi komprenas la tekston, kaj eĉ komprenas ke estas ia kaŝita senco. Sed ne sukcesis ĝin. Via helpo, kaj la okupo de la rolulo (kaj ia nekuracebla mistordiĝo de ĉiu vira cerbo...) igas min pensi pri "sekso" sed mi kredas ke ne...

Krome, hazarde mi ankaŭ ĵus provis registrilon. Sed mia provo estas vera "provo", ne tiel bele prilaborita komponaĵo!

Mi atendas pliajn "produktojn" el via muzikejo ;-)

Ĉu ankoraŭ pli laŭta estu la voĉo?! Mi volis ĝin iom malpli laŭta, sed la finan mikson faris Birke.

Iele-tiele la afero efektive rilatas iel al "sekso", sed vi ankoraŭ ne trafis plene la celon.

Vian brilan registraĵon mi komentis jam. Laŭ mi vi venkis per via spritega barbirejumado! Mankas nur la Esperanta versio. :)

Mi plu cerbumos pri la kaŝita senco... mi ŝatas divenludojn.

Pri la voĉ-laŭteco, mi agnoskas ke tio estas afero de gusto. Reaŭdinte la kanton, mi nur sentas tiun mankon ĉe la refreno, kie paradokse la teksto estas pli komprenebla!

Pri e-versio de tiu barbireja kanto mi jam havas ideojn... ;-D

Mankas nur la Esperanta versio. :)

Jam pretas ;-)
www.ipernity.com/blog/mpancorbo/71407

Gratulojn al vi kaj Birke!
:-)

[???ESPERANTO???]

Se la virino kulpas lian malsanon, kaj tio rilatas iele al sekso, kaj oni kiel helpilon proponis salon hidrargan... temas pri sifiliso, ĉu ne?

Gratulon al Przemysław! Tute ĝusta respondo. Temas pri sifiliso. Ĉu vi eble studis malnovtempan medicinon?

Hidrargo estis uzata kiel rimedo kontraŭ sifiliso de la 16a jarcento ĝis la 18a. Kredeble ĝi ne estis aparte efika tamen. Supozeble ĝi eĉ kaŭzis pli da malbono ol bono. Sed tio estis pli-malpli normala por tiutempaj medikamentoj, ŝajnas. La kontrasto inter tiu terura temo kaj la bela melodio ĉiam fascinis min.

Tiu popolkanto estas parto de tuta familio de similaj kaj samradikaj kantoj. Menciindas la fama "Streets of Laredo".

Do, ĉu la kanto estas popola, ne de vi mem komponita? Kies popolo ĝi estas?

Medicinon aparte ne, sed dum jurscienca studado mi aŭdis kelkfoje pri uzado de hidrargo, kaj rezulto de tiaj eksperimentoj :)

Krome la kanto estas tre bona, kaj do - se temas pri traduko de popolkanto - adaptita laŭdinde.

La kanto efektive estas popola. Ĝi estas unu el tiuj interesaj okazoj de kanto, kiu disbranĉiĝis en amasegon da variantoj, kun iom malsamaj (aŭ ege malsamaj) tekstoj, kaj iom malsamaj (aŭ ege ĝis tute malsamaj) melodioj, kaj ankaŭ malsamaj titoloj. Fakte en mia reperturaro estas ankoraŭ unu aŭ du kantoj, kiuj iometete parencas al tiu familio, sed nur melodie kaj nur tute nebule. Mi esperas iam registri ankaŭ ilin.

La koncerna popolo estas la Brita/Irlanda, sed unu branĉo de la familio migris al Usono: "Streets of Laredo". La Angla Vikipedio citas la titolon "The Unfortunate Rake" kiel pli-malpli originan, sed la versio, kiun mi tradukis, nomiĝas "The Poor Rake".

Mi pensas tamen, ke la klare sifilisa temo ne retroviĝas en ĉiuj variantoj.

en.wikipedia.org/wiki/Streets_of_Laredo_(song)

Interese, ke en jurscienca studado oni aŭdas pri la uzo de hidrargo kontraŭ malsanoj. :)

Ĉiutage pli ĝuste mi aŭskultas akran, malpuran kaj brueman muzikon, sed "La Diboĉulo" ege plaĉas al mi - eble precipe pro tiu ĉi popola akcento. Kvalito ankaŭ sufiĉe bona! Gratulojn al vi! :)

Belega kaj kortuŝa. Gratulojn al vi ambaŭ!!!!

Belege kaj kortuŝe. Gratulojn kaj dankon.

Dankon geamikoj !
jes nepre faru pli oftajn registraĵojn .. la rezulto estas bona ...
daŭrigadu !
baldaŭ via registrilo havos neniun pluan misteron por vi !

Plej muzikamike
Flo !

es ist wunderschön
schade das mein esperanto noch nicht reicht um meinen dank euch auch in dieser sprache auszudrücken
ich danke euch sehr es ist wirklich einmalig ich bin begeistert
mi dankas
christin

Miajn gratulojn!
Bona kanto, bone plenumita kaj bone registrita. Mi ŝatas la kanton. Atendas pliajn registraĵojn. :)
ĴomArt

Belo el la tristo ja eblas... Ĉio tre kongrue, tiel ke (al mi) eĉ eblas imagi la priskribatan scenon kvazaŭ filmon. Sen paroli la voĉtonon, egale kongruan. Dankon. Venu pliaj.