Mi blogas, sekve, mi ekzistas / Bloguejo, per tant, existeixo

Mi kopias mesaĝon atinginta mian poŝtujon:

En lernolibro pri rusa lingvo por la 10-a klaso (ĉ. 17 jaruloj) troviĝas temo pri artefaritaj lingvoj kaj du plenaj paĝoj estas dediĉitaj por Esperanto!

La prezento estas pozitiva: "plej sukcesa el artefaritaj lingvoj", "ĉiu nacio sentas ĝin iom konata, ruso - pri libera konstruo de frazo, franco - konataj radikoj, ... - sufiksa vortkonstruo, ktp.".

Mi, leginte la artikolon, ne trovis erarojn en prezentado. Estas donita baza regulo: kiuj vortoj finiĝas je "o", kiuj je "a", ktp. Estas menciite, ke en Esperanto eldoniĝas centoj da ĵurnaloj kaj libroj. Ekzemple oni publikigas "Ho, mia kor'!" kaj rusan tradukon de Boris Kolker.

Fine de la artikolo por diskutado oni proponas demandojn pri ideo de komuna neŭtrala lingvo kaj ĝia realiĝo (fiasko?) Kaj prove eĉ proponas konstrui kelkajn vortojn.

Aleksej Kuznecov
ka2pink @ gmail.com

laŭ [e-rus-info]

----------------

- Ekstera aspekto de la lernolibro: http://shop.top-kniga.ru/books/item/in/415750/ (eldono de 2009)

- La artikoloj pri Esperanto (malbonkvalita, nigra-blanka): http://www.eventoj.hu/tmp/eo-en-rusa-lernolibro.pdf

- La lernolibro estas eldonita kaj uzata enkadre de la studprogramo "Lernejo 2100" en ĉ. kvindeko de rusiaj lernejoj, vidu http://www.school2100.ru/regions/regions_main.html

- Kiel fonto de la lernolibra artikolo estas menciita la eldonaĵo "Infana enciklopedio" - ĉe paĝoj 424-426, trovebla en la reto ĉe http://obuk.ru/encik/18483-jenciklopedija-dlja-detejj-t.10.html (formato djvu)

- ndlr -

-----
fonto: Ret-Info
http://www.eventoj.hu

En tiu ĉi retejo vi povos kontroli kiom riĉa vi estas kompare kun la ceteraj loĝantoj de la planedo. Sufiĉas enskribi vian jaran enspezon/salajron en la koncernan skatoleton kaj klaki la apudan butonon:

En aquest web podràs comprovar com ets de ric en comparació amb la resta d'habitants del planeta. N'hi ha prou amb que escriguis els teus guanys anuals en l'espai blanc i després premis el butó adjunt:

http://www.globalrichlist.com

Kelkaj homoj parolas pri siaj scioj kaj spertoj rilate al Pasporta Servo:

http://tinyurl.com/yg83xrt

Pli da informoj pri la temo vi trovos en nia grupo Ipernitaj Gastigantoj:

http://www.ipernity.com/group/gastigantoj

Ĝenas min...

ke la kvaronkilograma panpeco pezas 200 gramojn

ke la skatoloj da lakto kaj aliaj likvaĵoj ne tute malpleniĝas kiam mi tute klinas por verŝado

ke ujoj kaj envolvaĵoj kredigas ke la kvanto da manĝo estas plia ol ĝi envere estas

ke estas nenecesaj envolvaĵoj ene de la envolvaĵoj

ke oni ne informas klare pri celo kaj signifo de la kadukdato

ke estu tiom malgranda gusto-diferenco inter fruktotomato kaj kartona tomato

ke plej multaj fruktoj aspektas kvazaŭ klonaj unuj de la aliaj (sama mezuro, sama koloro, sama sengusto...)

ke la ĉiamaj produktoj antaŭe estis normalaj kaj nun estas subite "naturaj"

ke preskaŭ ne eblas, aŭ tute ne eblas, rekoni la nutraĵojn kemie kaj genetike manipulitaj

ke oni lanĉas novan produkton, kvalitan kaj bongustegan kaj, post kelkaj monatoj, ĝi nek bongustas nek kvalitas

Ke tiom abundu manĝoj kiuj faciligas la dentajn kariojn kaj ke multaj el ili estu destinitaj al infanoj

ke mi pagas en la vendejo la dekoblon ol tio kion ricevas la agrokulturisto-produktanto

Jen vidpunkto pri la disvastiĝo de la angla kiu verŝajne ne plaĉos al multaj esperantistoj. Sed la temo indas je atento:

http://dotsub.com/view/2b38ad8e-fd71-4f90-9534-40b3000f6a24

(elektu esperanton aŭ alian lingvon en la menuo, laŭbezone)

Tiu ĉi estas verŝajne la plej distriga vendejo de Istambulo:

http://tonterias.com/tonteria.php?id_tonteria=7365&f=2

Jen harhirtigaj bildoj kiujn UEA kaj SAT kaŝis dum pli ol unu jarcento. Peter Macfajfis, ĵurnalisto de Lavera Folio sukcesis kaŝe viziti mensmalsanulejon en satelita insulo de Borneo. Li vidis tie, propraokule, la terurajn sekvojn de la senmezura uzado de Esperanto kaj ĝiaj simboloj. Movadanoj kontaĝitaj je la interna ideo, kiuj estis deportitaj en iun fondaĵon, malproksime de la civilizo, izolitaj por eviti kabe-epidemion.

Lavera Folio rendevuis kun dr-o William Laplej, direktoro de la centra hospitalo de Borneo. Antaŭ niaj demandoj pri la temo li respondis, ke li tute ne sciis pri la ekzisto de tiu malsanulejo. Ni klarigis al li la staton de la homoj enfermitaj en la fondaĵo kaj, laŭ unuavida opinio de la dr-o Laplej, povas temi pri plurkontaĝo pro la rara viruso HV1P, kiu efikas ĉefe sur la homa haŭto sed ankaŭ povas kunporti cerbajn misfunkciojn, kiel ekzemple "verdonismon", varianto de daltonismo kiu modifas la okulkapablon por vidi nur la verdan koloron.

Ni avertas la legantojn: se vi suferas ian nervo- aŭ kormalsanon, evitu rigardi la krudajn fotojn havigitajn de nia ĵurnalisto:

http://www.baraskit.se/random/archive/86/green_people.html

Ĉu povus tiu eltrovo signifi la finon de Esperanto? La sola precedenco kiun ni havas pri efiko de lingvo sur la korpo estas la klingona fenomeno. Lernado de la klingona deformas la korpon tiel ke neniu, familiano aŭ amiko, rekonas la lernanton post nur unu baza lingvokurso. Tamen la klingona ne estingiĝis, almenaŭ en interreto.

Ĉu Esperanton savos Ipernity kaj Facebook? Ĉu oni kreos vakcinon kontraŭ la viruso HV1P? Tiuj kaj aliaj demandoj atendos respondojn en la venontaj tempoj.

Mi trovis tre kuriozan paĝon kiu permesas interaktivi kvazaŭ vi uzus mikroskopon, rigardu ekde kafograjno ĝis etega karbonatomo:

He trovat una pàgina molt curiosa que s'utilitza com si fos un microscopi, es pot veure des d'un gra de cafè fins un àtom de carboni:

http://learn.genetics.utah.edu/content/begin/cells/scale

Se vi iom regas la anglan, vere indas ankau iri al la enkonduko de la retejo, kie vi trovos aliajn instruajn sciencludojn/ekzercojn.

16- Kaj Dio faris la du grandajn lumaĵojn: la pli grandan lumaĵon, por regi la tagon, kaj la malpli grandan lumaĵon, por regi la nokton, kaj la stelojn.

Bone. Mi supozas ke li volis diri Suno kaj Luno. Se li estus komencinta dirante Suno kaj Lumo ĉio estus pli klare. Mi ne komprenas, tamen kial Dio opinias ke steloj ne estas lumaĵoj. Kaj kial la Luno havas multajn regatojn kaj la Suno ne? "...regi la nokton kaj la stelojn." Hum...la Luno certe havas multe pli da okupoj, tre verŝajne la Luno estas virino. En ordinaraj paroj viroj estas pli grandaj kaj pli pigraj.

17- Kaj Dio starigis ilin sur la ĉiela firmaĵo, por ke ili lumu sur la teron,

Starigi lumaĵojn sur ĉiela firmaĵo? se oni starigas lumaĵojn sur ĉiela firmaĵo, oni lumigas firmaĵon ne teron...jen vere stranga lia sistemo ilumini.

18- Kaj por ke ili regu la tagon kaj la nokton kaj faru diferencon inter la lumo kaj la mallumo. Kaj Dio vidis, ke ĝi estas bona.

Ho ve! kia obsedo diferencigi lumon de mallumo! Ĉu ne sufiĉis la unua apartigo kiun li faris? Kaj se la unuan fojon li opiniis bona la aferon, ne necesas informi ke li vidas denove la aferon bona.

19- Kaj estis vespero, kaj estis mateno, la kvara tago.

Nu, unu aferon mi devas agnoski, li estas tre diligenta laboristo kaj ĉiam plenumas sian laborhoraron (malgraŭ ke li estis kontraktita por nur unu semajno).

20- Kaj Dio diris: La akvo aperigu moviĝantaĵojn, vivajn estaĵojn, kaj birdoj ekflugu super la tero, sub la ĉiela firmaĵo.

Eo! Li plibonigis sian regon de la prepozicioj!

Sed, kial li diras "moviĝantaĵojn, vivajn estaĵojn"? Se li trovis la vorton "birdo" en sia vortaro, kial li ne trovis la nomon de la moviĝantaĵoj kaj vivaj estaĵoj? Pri kio temis? delfenoj? ranoj? iktiosaŭroj? anasetoj? Kaj kiom da moviĝantaĵoj aperigis la mirakla akvo? Scii la nombron estus tre utila por la nunaj ekologiaj statistikoj.

Amazing quantum fisics

La sorprenent física quàntica

http://dotsub.com/view/6f45ea86-4d3f-48da-a05b-95acfa898f73

Por plia informiĝo klaku tie ĉi:
Per ampliar la informació cliqueu:

http://tinyurl.com/ygeaepk

http://www.pacma.es

About Hypatia in english:

http://www.youtube.com/watch?v=cbskP9utQ0M&feature=related

Un curt mític del cinema espanyol / Mita etfilmo de la hispana kino

11-Kaj Dio diris: Kreskigu la tero verdaĵon, herbon, kiu naskas semon, fruktarbon, kiu donas laŭ sia speco frukton, kies semo estas en ĝi mem sur la tero; kaj fariĝis tiel.

Bone, ŝajnas ke Dio, krom viro, ankaŭ sin prezentas kiel ĝardenisto.

12-Kaj la tero elkreskigis verdaĵon, herbon, kiu naskas semon laŭ sia speco, kaj arbon, kiu donas frukton, kies semo estas en ĝi mem laŭ sia speco. Kaj Dio vidis ke ĝi estas bona.

Jam duafoje li malkovras ke tio kion li faris estas bona sed li ne argumentas kial la lumo aŭ lia ĝardeno estas bonaj. Estus utile koni la opinion de aliaj dioj por konfirmi ke liaj lumo kaj ĝardeno estas bonaj. Eble alia dio povus ĝardenumi pli bone ol li.

13-Kaj estis vespero, kaj estis mateno, la tria tago.

Ne estas klare al mi ĉu li laboris dum la noktoj aŭ ne. Se li ne laboris, kion li faris? ĉu li dormis aŭ ĉu li planis por la sekva tago?

14-Kaj Dio diris: Estu lumaĵoj en la ĉiela firmaĵo, por apartigi la tagon de la nokto, kaj ili prezentu signojn, tempojn, tagojn, kaj jarojn;

Jen kiam mi kredas ke Dio tro flaris kelkajn el la ĵus kreskigitaj herboj. Li subite forgesas ke jam estas sufiĉe da lumo kaj ke tago kaj nokto jam estis apartigitaj. Se, kiel li diras, antaŭe ne estis lumaĵoj kun signoj, tempoj, tagoj kaj jaroj...kiel li povis scii ke li laboris dum du tagoj? Cetere, konsumado de kelkaj herboj povas esti la kaŭzo vidi lumaĵojn...

15-Kaj ili estu lumaĵoj en la ĉiela firmaĵo, por lumi sur la tero; kaj fariĝis tiel.

Ĉi tie li forgesis informi ĉu la lumaĵoj estas bonaj kaj kiel uzi ilin. Kiel lumaĵoj prezentas jarojn? Plia kapturniĝo, se nia suno estis unu el la lumaĵoj...de kie venis la antaŭa lumo kiu apartiĝis de mallumo?

6-Kaj Dio diris: Estu firmaĵo inter la akvo, kaj ĝi apartigu akvon de akvo.

Ŝajnas ke la fakto diri ion estis plaĉa al Dio kaj bone efikis por liaj celoj. Eble mi provos same fari kiam mi decidos krei ion.

7-Kaj Dio kreis la firmaĵon, kaj apartigis la akvon, kiu estas sub la firmaĵo, de la akvo, kiu estas super la firmaĵo; kaj fariĝis tiel.

Ĉi tie li faris veran miraklon. Malfacilas al mi imagi kiel oni povas apartigi akvon kiu estas SUB la firmaĵo de akvo kiu estas SUPER la firmaĵo. Tio estas kvazaŭ apartigi la akvon de puto de la akvo de nubo. Sed, bone, fariĝis tiel.

8-Kaj Dio nomis la firmaĵon ĉielo. Kaj estis vespero, kaj estis mateno, la dua tago.

Jen mi konfesas ke mi komencas dubi pri la saĝeco de Dio. Nomi la firmaĵon ĉielo mi povus kompreni de Dalí, Buñuel kaj aliaj subrealistoj sed mi ne klasigus Dion en la skolo de subrealistoj.

9-Kaj Dio diris: Kolektiĝu la akvo de sub la ĉielo en unu lokon, kaj aperu la sekaĵo; kaj fariĝis tiel.

Bone, li faris ie grandan basenon. Tio jam estas repreno de la saĝo. Nun ni havas sekan firmaĵon/ĉielon aŭ kion ajn kio ne eniras la kategorion akvo.

10-Kaj Dio nomis la sekaĵon Tero, kaj la kolektiĝojn de la akvo li nomis Maroj. Kaj Dio vidis ke ĝi estas bona.

Ankoraŭ restas iom da konfuzo al mi...se la ĉielo estas firma(ĵo)...ĉu la Tero estas malfirma(ĵo)?

Estas ioma malkongruo en la akvolaborado. Se unue li kolektis unu akvon en unu loko, kial li parolas poste pri pluraj kolektiĝoj? kaj kiel la akvo de unu loko povas nomiĝi Maroj? Ĉu Dio ne trovis la vorton oceano en la vortaro? Fakte pli logikus paroli pri Teroj kaj Maro ol pli Maroj kaj Tero, sed pri gustoj oni ne disputu.

GENEZO

Unua libro de Moseo / Unua libro de Amuzeo

1-En la komenco Dio kreis la ĉielon kaj la teron

Kial Dio ne komencis per sinprezento? Se mi estus nekonanta la ekziston de Dio kaj mi trovus la ĉefan libron pri li, mi dankus enkondukon pri li/ŝi/ĝi.

Kial Dio kreis la ĉielon kaj la teron? Se antaŭe ne ekzistis ĉielo kaj tero...kio ekzistis?

2-Kaj la tero estis senforma kaj dezerta, kaj la mallumo estis super la abismo; kaj la spirito de Dio ŝvebis super la akvo

Mi ne komprenas kial krei teron senforma se entute eblas krei ion ajn senforman. Tamen, se li/ŝi/ĝi kreis ion senforman, mi povas kompreni ke ĝi estu dezerta ĉar nenio povas vivi aŭ kreski en io senforma.

Mi supozas ke ne nur super la abismo estis senlumo, ankaŭ sub la abismo kaj dekstre kaj maldekstre de la abismo.

Kio estas la spirito de Dio? Kiel povas spirito ŝvebi super akvo? Kiam Dio kreis la akvon? ĉu iu ŝiris la paĝon en kiu oni informas pri la kreado de akvo?

3-Kaj Dio diris: estu lumo; kaj fariĝis lumo.

Al kiu li diris tion? kial venis al li tiu pensaĵo? Eble li jam tro longe estis vivanta en mallumo kaj decidis ŝanĝi la sistemon aŭ eble Dio volis pli klare vidi sian spiriton ŝvebantan super la akvo.

4-Kaj Dio vidis la lumon, ke ĝi estas bona; kaj Dio apartigis la lumon de la mallumo.

Strange ke Dio kreis ion sen scii antaŭe ĉu ĝi estas bona aŭ ne. Dio apartigis lumon de mallumo? Ĉu iam antaŭe estis kunaj!?

5-Kaj Dio nomis la lumon Tago kaj la mallumon Li nomis Nokto. Kaj estis vespero, kaj estis mateno, unu tago.

Jen pronomo "Li". Bone mi jam komencas havi ideon pri kio estas Dio, temas pri viro. Ion mi ne komprenas, la tempo inter vespero kaj mateno implikas du tagojn...kial li finas dirante "unu tago"?. Cetere estus pli logike diri "unu nokto" (inter du tagoj).

Ĉapitro 2

Ĉapitro 3

Ĉapitro 4