Copenhagen Photo Marathon

Frábært hjá þér! Veit ekki hvort ég gæti vakað í 24 tíma og ennþá verið að einbeita mér að ljósmyndun og subjecti... ;o)

Gangi þér vel Guðrún... þú massar þetta!!! :D

Púha. Þá dragnaðist maður loks heim og nú er ég búin að vera á fótum síðan klukkan 8 í gærmorgun. Fékk eina hænu, hún var klukkutímalöng, í bílnum. Og nóttina áður þá vakti dyrabjallan mig hálf þrjú - greinilega ekki munur á nöfnunum Gonzales og Gísladóttir :) - alveg var ég urrandi pirruð.
Nú, en þetta gekk bara bærilega. Ég notaði svolítinn tíma í þá fyrstu, þurfti undirbúning. Fyrsta myndefnið tengist alltaf þátttökunúmerinu og í þetta sinn hét það Maraþonmaðurinn. Svo ég þurfti að verða mér út um tússpenna - ákvað að skrifa númerið mitt aftan á skærgræna vestið sem er orðin skylda að hafa í bílnum í mörgum Evrópulöndum, svo maður sjáist ef það springur eða bensínið klárast. Og svo þurfti ég að stilla sjálfri mér upp, með aðra myndavél og svo að tímasetja hina rétt og stilla og hvað veit ég. Þetta er bara ágæt mynd. Svo var efni númer tvö og það var það "leiðinlegasta" af öllum 24. Sangvær sem ku leggjast út á ensku sem Sing-a-long. Það stóð rosalega í mér og ég notaði alltof mikinn tíma í það. Svo þegar ég var loks búin og á leið í næsta, þá birtist lausnin hreinlega hjólandi :) Ég set myndirnar inn hér í dag eða á morgun, og hef þær bara fyrir vini í bili. Hin 22 efnin gengu bara vel. Svolítið strembið að taka svona margar næturmyndir, en þá er gott að eiga hann Gitzo minn þrífót, höfuðið ættað frá Manfrotto - mikið skelfing kom þetta par að góðum notum í nótt.
Þegar ég var búin með 21 mynd, þá vildi ég bara sofa, taka númer 22 og fá mér svo hænu. En ég vissi að ég átti eftir að nota tíma í að sortera og henda (það má taka margar af sama).
Allt hófst þetta og var hin besta skemmtun, bara svefnleysið sem er galli :)
Og nú er a.m.k. þriggja vikna bið. Það þarf að framkalla allar filmur þeirra sem eru í þeirri deild og svo er farið að dæma, talsverð vinna. Mér finnst þau sem taka filmukeppnina algjörar hetjur. Eitt væri að taka 24 myndir að degi til - það er svo allt önnur Ella að taka næturmyndir og þú mátt ekki skemma svo mikið sem einn ramma, þá ertu úr stóru keppninni.
En, það verður spennandi að sjá úrslitin og takk fyrir góðar óskir.

Breyting: Bíð með að setja inn myndir, sem sagt þangað til úrslitin eru klár :)

Ég segi nú bara, til lukku með að klára þetta dæmi!! :o) Hlakka til að sjá myndirnar þegur þú setur þær inn... sérstaklega Maraþonmanninn ;o)

Ja hérna segi ég nú bara. Þetta er engin smá maraþon keppni en það er samt gaman að þessu. Það verður gaman að sjá útkomuna :)

Um leið og úrslitin verða klár læt ég myndirnar hérna inn - eins og er þá langar mig ekki beint í svona törn aftur, en ef það verður 12 tíma maraþon aftur (hefur verið undanfarin ár, bara ekki í ár) þá er ég til. Svo er náttúrlega aldrei að vita þegar frá dregur og maður gleymir þreytunni, þá verða 24 tímar kannski freistandi.

Sjóaarar sem voru að klára erfiða vertíð lofuðu sér því að gera þetta aldrei aftur en alltaf komu þeir aftur. Þú verður fyrst til að skrá þig í næstu keppni LOL